Quarta-feira, 13 De Abril,2011

Masakre sira íha Timor Leste: Liquica tinan 12 ona



 

Husi Fidelis Leite Magalhães [1]

 

Loron 6 fulan Abril hanesan komemorasaun masakre Liquiça ba dala 12. Milisia pro-Indonezia sira hamutuk ho polísia no militar ataka igreja lokal nia fatin no oho ema na´in 60 ke subar íha neba. Sovrevivente sira balu husi igreja Liquica mos oho tuir íha masakre matebian Manuel Carrascalão nia uma semana rua liu tiha íha loron 17 Abril, 1999. Sr. Carrascalão, nia oan ikun, Manuelito, mos mate íha neba.

Sira be mate íha Liquica mai husi Liquica no sub-distritu Maubara. Sira halai husi sira nia uma no buka protesaun íha igreja lokal wainhira milisia pro-Indonezia, Besi Merah Putih (BMP), no militar Indonézia (TNI) hahu sira nia kampaña teror íha distritu. Reaje ba masakre ida ne´é, porta-voz ba faksi pro-Indonézia Gil Alves deklara katak milisia sira hatan ba tiru ke mai husi igreka laran. Ho lian momos, Sr. Alves justifika masakre hanesan asaun ba defeza pesoal. Ida ne´é hanesan komentária dahuluk husi parte pro-Indonézia sira. Sr. Alves agora dadaun hanesan ministru ba industria no komérsiu ba Timor-Leste independente.

Komemorasaun íha Liquica halo triste no mos katartíku. Komunidade hamriik hamutuk, hanoin hikaas fali sira-nia esperiensia. Família ba aswa´in sira tenki enfrenta todan boot ida, atu hanoin hikaas fali atu labele haluha. Barak mak laíha ona foto ba sira nia família matebian. Sira nia mate-restu mos lahetan. Maibe Estadu liu husi nia poder politíku halo advokasia ba fo perdaun laliu husi lia loos. Haluha tiha justisa!

Ho komemorasaun ne´é, Sr. Mario Reis, Sekretáriu Estadu ba Asuntu Veteranu, hatete katak governu íha planu atu harii estatua barak liu tan íha distritu atu fo onra ba matebian aswa´in sira. Ida ne´é hanesan maneira ida atu simplesmente halo skema ba konstrusaun nian. Presiza tebes atu ema hanoin hikaas sira nia pasadu no fo onra ba ba aswa´in sira, no iróniku tebes wainhira governu Timor seidauk husu momos ba Indonézia atu identifika "aswa´in" sira nia mate restu. Fatin memorial sei harii maibe ho deit valor hitoan.

To´o ohin Timor Leste seidauk buka atu husu Indonézia atu lokaliza Nicolau Lobato nia mate restu, Timor nia primeiru ministru ba dahuluk ne´ebé mate íha 31 Dezembru, 1978 no ho nia naran mak infraestrutura públiku sira nia naran barbarak tau ba. Estadu Timor, ninia kamarada sira mak lidera, maibe laíha korajen atu inklui identifikasaun ba rate fatin hanesan parte ba kondisaun atu normaliza relasaun ho Indonézia. Normalizasaun hala´o lahó kondisaun nem ida. Ita fo aan fásil tebes. Agora obviamente ke lakon moral no sai fali apolojista ba Indonézia nia violasaun direitu sira. Governu Timor ninia hahalok sai hanesan empreza Relasaun Pùbliku ba Indonézia. Laos deit buka atu hasai tiha sala husi Indonézia ho sira nia hahalok íha ita-nia rai, ita mos fo advokasaun ativu atu hasai tiha sansaun militar husi estranjeiru kontra Indonézia tamba sira nia violasaun ba direitu.

Presiza atu hanoin fila fali ita-nia estratéjia polítika esterna. Ita presiza atu íha ligasaun diplomatiku abertu. Tenki lori fila fali lia loos ba meza leten. Indonézia tenki tolan buat ida ne´é. Ida ne´é hanesan ideia ke razoavel liu atu Timor-Leste bele halo. Tuir faktu, íha liu fali interese husi Indonézia íha Timor-Leste atu relasaun entre rai rua ne´é labele sai aat. Atu hatete sai aswa´in sira nia mate restu hakoi íha ne´ebé no verasidade ba eventu uluk nian mos interese Indonézia nian hotu. Ida ne´é importante se karik hakarak atu manten argumentu katak Indonézia ohin nian lahanesan ona ho Indonézia” pre-reformasi” nian.

Íha tinan 2009 Bispu Gunnar Stalsett, Antigu Vise-Prezidente ba Komite Prémiu Nobel no Norwegia nia Enviu Espesial ba Timor-Leste, hamutuk ho ha´u servisu hamutuk atu estabelese Dialogu Konsensu Nasional kona-ba Lia Loos, Justisa no Rekonsiliasaun. Objetivu ba Dialogu Konsensu ne´é mak atu produs konsensu nasional íha interese xave nasional no laos liu husi konsensu partidu poílitiku. Dialogu dahuluk hetan partisipasaun barak husi instituisaun Estadu nian no partidu polítiku sira. Objetivu ida seluk ba eventu ne´é mak atu fasilita dialogu entre sosiedade sivil no instituisaun estadu. Enkontru loron tolu hanesan enkontru taka ida. Buat barak mak inter alia, justisa, follow-up no memoralizasaun iinstitusional ba post-CAVR mos diskute hotu ba. Agora dadaun, tuir saida mak ha´u hatene, proposta lei ba buat rua ne´é sei hein hela debate íha parlamentu.

Ho buat sira ne´é hotu, ha´u komesa kestiona konsensu sira be halo hanesan maneitra ida ke diak liu ba oin. Ha´u komesa hanoin maneira ida ke diak liu ke íha mak hanesan buka vantajen ba eleisaun 2012 be sei mai ne´é. Ha´u hanoin atu lia loos tenki hatete sai no atu mate restu sira bele buka hetan ita presiza governu foun ida ke hakarak atu husu momos ba Indonézia atu fo sai informasaun sira ne´é. Ho ida ne´é, íha eleisaun be mai ne´é, organizasaun no individu hotu-hotu ke íha interese atu indentifika hakoi fatin tenki fo presaun ba partidu polítiku sira atu tau fali isu ida ne´é íha sira nia kompromisu eleisaun nian. Polítika esterna Timor nian tenki buka karater oinseluk ida. Nia tempu mak agora dadaun!

 

 

 

[1] Es-Xefe ba Dialógu Konsensu Nasional no Asesor Prezidente. Agora dadaun estuda íha Lisboa

publicado por Eskalabis às 10:54
link do post | comentar
Terça-feira, 05 De Abril,2011

...

publicado por Eskalabis às 12:33
link do post | comentar
Quinta-feira, 03 De Fevereiro,2011

Moris iha ema nia rai

Nunka hanesan ho iha ita-nia rai

publicado por Eskalabis às 23:09
link do post | comentar
Sexta-feira, 07 De Janeiro,2011

Martyr

 

Martir (Greek: μάρτυς, mártys, "witness"; stem μάρτυρ-, mártyr-)katak ema ida ke sofre presegisaun no mate tamba lakohi atu renunsia fiar ida ka kauza ida, dala barak relijiozu.

 

 

Nusa mak agora mate sira íha Timor íha tinan 1999 laos ona vítima maibé martir?????

 

 

 

 

 

 

 

A martyr (Greek: μάρτυς, mártys, "witness"; stem μάρτυρ-, mártyr-) is somebody who suffers persecution and death for refusing to renounce a belief or cause, usually religious.

 

In its original meaning, the word martyr, meaning witness, was used in the secular sphere as well as in the New Testament of the Bible.[1] The process of bearing witness was not intended to lead to the death of the witness, although it is known from ancient writers (e.g. Josephus) and from the New Testament that witnesses often died for their testimonies.

publicado por Eskalabis às 16:00
link do post | comentar
Quinta-feira, 06 De Janeiro,2011

Be sa´e íha Queensland

Tur dada lia ho kolega australiano ida iha Lisboa.

 

 

Oras baibain atu han almosu ami nain haat (kolega koñese malu hotu husi Dili ho nasionalidade oin-oin) hakat dadaun ba Saldanha.

Entre ami íha ida mak australianu. Ha´u sente hakfodak hitoan wainhira sai notísia ida iha televizaun konaba katastrofe íha Queensland, liu-liu íha Rockhampton, nia (asutralianu ne´é) hatete katak husik be sa´e no hamos tiha sira hotu kedas. Ha´u husu tuir nusa mak nia hatete buat ida hanesan ne´é, no nia hatan katak ema sira husi Rockhampton maioria mesak rasista hotu deit, ne´é duni laíha buat ida se Maromak halo katastrofe ida hanesan ne´é ba loke sira nia matan.

 

Maske saida mak hau nia kolega ne´é hatete bele los duni, maibe bele ka lae atu ita fo malisan ba ema sira ke hanoin aat ba ema ho rasa seluk?

 

Nusa mak umanidade sei hanoin ba ideia rasismu nian?

 

Tuir definiasaun rasismu katak fiar ida ba fator jenetíku ke konstitui rasa ida hanesan determinante dahuluk ba ema no kapasidade no saida mak halo superioridade ba rasa ida.

 

Óhin loron sei íha nafatin rasa balun ke superior liu fali rasa seluk?

 

Triste wainhira ita haré ba ita-nia realidade. Ideias antigu sira ne´é sei hamaluk nafatin ita íha tempu modernu. Triste liu tan wainhira ema sira ke tuir ístoria terus nanis tiha ona  sei moris ho ideia sira ke sama ema no rasa seluk nia dignidade nafatin.

 

 

 

 

publicado por Eskalabis às 16:23
link do post | comentar | ver comentários (1)

mais sobre mim

pesquisar

 

Junho 2012

D
S
T
Q
Q
S
S
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30

últ. comentários

  • Ola,Furak atu haree poezia "O SANGUE GEUERREIRO" ...
  • Não há dilúvio que não dê em fertilidade... é agua...

mais comentados

RSS

blogs SAPO


Universidade de Aveiro